नेपाल विजनेश कलेजले लकडाउनका बेला सुरु गर्यो ‘अनलाइन क्लास’

विराटनगर, ३० चैत । लिंकन विश्वविद्यालयबाट सम्वन्धन प्राप्त विराटनगर–११ स्थित नेपाल विजनेश कलेजले एमबीए र बीबीए अध्ययनरत विद्यार्थीहरुका लागि अनलाइन कक्षा सुरु गरेको छ । कलेजले दुईसाता यता अनलाइन क्लास संचालन गरिरहेको जनाइएको छ । प्रत्येक दिन विहान ७ बजेदेखि बेलुका ५ बजेसम्म एमबीएको र विहान ७ः३० बजेदेखि बेलुका ५ः३० बजेसम्म बीबीएको कक्षा संचालन गरिरहेको जनाएको छ ।

कोरोना भाइरसको (कोविड १९)   संक्रमण फैलिन सक्ने भन्दै लकडाउन जारी रहेको बेला कलेजमा अध्ययनरत विद्यार्थीहरुबीच आ–आफ्नो घरैबाट अध्ययन गर्न मिल्ने गरी कक्षा संचालन गरिएको कलेजका डाइरेक्टर दिपक कोइरालाले जानकारी दिए ।

सवै स्थानमा इन्टरनेटको पहुँच नभएका कारण भने सवै विद्यार्थीको सहभागीता गराउन कठिनाई भइरहेको पनि उनले बताए । यो खबर उदघोष दैनिकमा छापिएको छ ।