काठमाडौं, २६ साउन । नेपालमा कोरोना भाइरसबाट मृत्यु हुनेको संख्या ७९ पुगेको छ । बाँकेका १ जना, पर्साका २ जना र काठमाडौंमा गरी संख्या ७९ पुगेको हो ।
बाँके कोहलपुर वडा नम्बर २ बस्ने ७० वर्षीया महिलाको नेपालगञ्ज मेडिकल कलेज कोहलपुरमा निधन भएको छ । उच्च रक्तचापका बिरामी उहाँ साउन २३ गते भर्ना हुनुभएको थियो । वीरगञ्ज महानगरपालिका–१५ भेडियाही बस्ने ४५ वर्षीया महिलाको मृत्यु भएको छ ।
मृत्युपछि नारायणी अस्पतालको पीसीआर प्रयोगशालामा गरिएको परीक्षणका क्रममा उनको रिपोर्ट पोजेटिभ आएको थियो । पहिलेदेखि नै उच्च रक्तचाप र थाइराइडको विरामी उनलाई श्वास प्रश्वासमा समस्या भएपछि उपचारका लागि अस्पताल ल्याइएको थियो ।
त्यसैगरी, काठमाडौं १० वानेश्वर बस्ने ७६ वर्षीय पुरुषको साउन २६ गते मेडिकेयर अस्पतालमा मृत्यु भएको छ । ललितपुरको मेडिसिटी अस्पतालमा उपचाररत ६४ वर्षीय कोरोना संक्रमित पुरुषको सोमबार मृत्यु भएको छ । निमोनिया र मधुमेहको रोगी उनलाई साउन १५ गते अस्पताल भर्ना गरिएको थियो । मृतक कलंकी ट्याङ्लाफाँटका हुन् ।
No comments:
Post a Comment